Feeds:
文章
留言

Archive for 2008 年 07 月

交代

呢個blog存在了超過一年. 我咁耐冇寫都竟然有接近二千個view. o個幾篇老左正傳影評居功至偉, haha.

或者我應該交代下, 自07年8月1日之後, 我做過d乜.

07年8月1日, 我廿五歲. 第二日見成了我人生第一份full time. 但係條件非常刻薄. 一萬蚊個月, 仲要只簽半年約, 仲要分兩張約(2月+4月), 搞到我頭兩個月冇左兩日annual leave. 做既野都唔見得好有意思, 冇學術性可言, 冇重要性可言. 呢份工, 老實講, 係為CV而做. 做既期間仲要俾我老闆質疑我既能力. 真係火都黎埋, 我乜都做到101分, 仲要俾你窒.

九月底, 搬左出黎獨居, o係office附近租屋住.

零八年, 相安無事. 本來以為呢世人都冇機會去外國讀書, 但係而家竟然又有機會.

That’s life. 你以為冇路行, 去到最後又柳暗花明又一村.

而家既我, 為自己即將能夠走出困局而雀躍, 又躊躇緊究竟自己捱唔捱得過將來幾年. 捱完, 又點?

呢一年既full time job經驗, 俾我睇到哂學術界既黑暗面, 原來有d人為左o係呢度生存, 真係可以好不要臉. 又睇到有更多人為左o係度生存, 要受幾多苦難同委屈. 我將來會唔會變成佢地?

我究竟係好想去做學術, 定係好想去外國讀書? 定係只係想要放洋留學既虛榮感? 讀一個phd, 冇船的話, 前後要過百萬. 仲要d錢唔係我自己既. 究竟我係咪deserve咁好彩?

又, 以我的三分鐘熱度, 我究竟有冇咁既毅力同專注力去讀完一個phd? 無疑我的確係好喜歡讀書思考寫文, 但係永遠都堅持唔到. 究竟到時會係我迫自己捱完個phd? 定係個phd迫我捱完N本書?? 定係掟幾十萬落鹹水海?

路好難行. 其實我好清楚, 如果自己走去行主流既路, 能力上綽綽有餘, 亦冇而家咁辛苦. 但如果係咁, 我諗我冇辦法define自己. 尤其是我唔想用我既財富地位去define自己, 亦都唔希望親朋戚友用我既財富地位define我.

而家面對既問題係, 究竟我行緊既路, 係咪desirable. 我唔想變成我而家個老闆咁樣, 尸位素餐恃老賣老等退休.

有排諗. 但係去到今日, 我最大既心願依然係靠自己既實力讀一個phd返黎. 將來點樣係將來既事. 我唔想去到四五十歲至黎後悔當年冇試過攻讀phd, 反正我都幾肯定即使讀唔成都唔會後悔.

Read Full Post »

我並非港島人. 但我十分肯定如果我是港島選民, 一定會選甘乃威.

白鴿黨人太忘恩負義. 去年區議會選舉泛民仆直, 唯獨中西區依然能交出成績, 甘乃威居功至偉. 他絕對是白鴿黨在港島區最重要的樁腳, 無名英雄. 他本來老早可以進立法會, 但他三番四次讓賢. 二千年讓予余大狀. 零七年讓給陳太. 老實講, 這兩次選舉, 我完全不覺得甘乃威會輸給鍾樹根/孽瘤, 只要泛民踩盡油全力支持他. 但基於對名牌的迷信, 甘乃威一次又一次地讓, 然後退居中西區當其樁腳.

好了, 區議會輸到仆街, 白鴿黨聞到棺材香, 才開始搞接班. 誰不知黨中央又要甘乃威讓位予那個在IT界輸硬的皇太子. 他自己長佔不義的功能議席, 本是不義之人, 在界內撈唔掂, 又要人家讓一個直選位給他, 這是什麼鳥道理? 他除了知名度, 除了是教父欽點的皇太子, 他還有什麼? 他有落區嗎? 有挨家逐戶洗樓接CASE嗎? 他憑甚麼要人家讓位?!

好了, 甘乃威不讓位, 竟然被指逼宮. 喂大佬啊, 不是早說好由他掛頭牌? 誰逼誰宮呀?

還有那肥佬, 想做king maker, 不斷在報紙內玩造神, 日日歌頌陳太, 玩勸進. 早前說要把甘乃威排在陳太後面, 但兩人根本格格不入. 皇太子不願意排陳太後面, 那麼叫他回去選IT界, 或者回去耕田好了, 為什麼要開足馬力去封殺甘乃威? 好了, 現在陳太不選了, 搞咁多野, 何苦?

現在的形勢, 正好考驗甘乃威的智慧. 如果我是他, 我會忍辱負重拿下自己一席. 入立法會後, 連中西區大批樁腳連根拔起, 過檔社民連. 那麼下屆皇太子就有位了, 看他能選出些什麼.

所以甘生, 請爭氣, 越被人睇死就越要爭氣. 你要告訴全香港, 第二梯隊不是垃圾, 那些佔著茅坑不拉屎的老而不才是.

延伸閱讀:

1-555-confide: 甘與陳

Read Full Post »

早就想重開呢個blog. 一直都懶得寫, 既然好友小登科, 就寫幾句恭喜佢, 當係新開張的預告.

咁你又唔駛講到同是天涯淪落人. 人有三衰六旺, 最緊要企得夠硬, 等到o個一日黎到.

恭喜娶到個好老婆. 咁就一世, 飲得杯落. 又恭喜你家國不分, 以後週年紀念都唔駛諗節目. 諗去邊真係好Q煩.

總之恭喜啦, 希望九月在倫敦再聚.

Read Full Post »